Tokante e Komishon di hür

E Komishon di hür ta un organisashon imparsial pa e prevenshon, pa yuda solushoná i regla disputanan formalmente entre hürdó i doñonan di kas. Ku dunamentu di bon informashon e Komishon di hür ta orientá su mes riba prevenshon di disputa. Si hürdó i doño di kas no por sali afó nan mes, e ora ei e Komishon di hür ta ofresé yudansa den forma di informashon imparsial. Si esei no ta duna solushon, e ora ei e Komishon di hür por duna un veredikto ku ta obligatorio pa partidonan dor di huzga di e disputa di hür ta en pugna ku e legislashon i regulashon. E komishon di hür ta duna veredikto tokante:

  • Preis di hür
  • Oumento di hür
  • Redukshon di hür
  • Kosto di servisio
  • Kanselashon di akuerdo di hür
  • Determinashon di preis di hür

Organisashon

Den kada Entidat Públiko (Boneiru, Saba i Sint Eustatius) e Kolegio Ehekutivo ta instalá un Komishon di hür ku ta outorisá pa e Entidat Públiko konserní. E Komishon di hür ta konsistí di un presidente i dos miembro. E Kolegio Ehekutivo di kada un di e Entidatnan Públiko ta nombra nan pa un periodo di kuater aña.