Si tene un seshon durante un proseso, hürdó i doño di kas tur dos ta risibí un invitashon. Kon presis un seshon ta tuma lugá, bo por lesa aki bou.
Promé ku e seshon
Bo a risibí un invitashon pa un seshon di e Komishon di hür. Huntu ku esei bo a risibí e rapòrt di investigashon tokante bo kaso. Bo tin komentario riba e rapòrt aki òf bo tin informashon ainda di kua bo ta pensa ku esaki ta importante pa e tratamentu di bo kaso? Manda e dokumentonan aki pa e Komishon di hür pa mas tardá te ku un siman promé ku e seshon. Esaki por entregá via karta òf en persona. Semper indiká e number di kaso riba tur dokumento.
Paga tinu: Bo mes mester sòru ku e otro partido ta kompletamente informá.
Bo no ta obligá pa bini na e seshon. E Komishon di hür ta rekomendá esaki sí, pasobra bo mes por aklará bo kaso e ora ei. Si bo no por bini bo mes, bo por apoderá un hende e ora ei. Kon bo ta hasi esaki ta pará den e karta di invitashon. E persona ei mester tin un poder por eskrito firmá dor di bo serka dje e ora ei sí.
Pa e seshon por tin un bon marcha ta importante ku bo mèldu bo mes na tempu serka e resepshon. Semper bini ku un prueba di identifikashon bálido. Bo ta apoderado, mèldu pa ken bo ta bini.
Durante e seshon
Durante e seshon e Komishon di hür ta diskutí e petishon i e rapòrt di investigashon preparatorio. E Komishon di hür a lesa tur dokumento di antemano. Durante e seshon bo por reakshoná riba e rapòrt i riba loke e otro partido ta bisa. E sekretario ta traha un rapòrt (prosèsverbal) di loke ta bisa durante e seshon. E presidente tin mando durante e seshon i e komishon por hasi pregunta tokante e kaso. Por ehèmpel si bo ta di akuerdo ku e rapòrt di investigashon, òf ki ora a drecha un fayo di mantenshon.
Despues di e seshon
Despues di e seshon e Komishon di hür ta tuma un desishon riba e kaso. Esaki ta sosodé sin doño di kas i hürdó. Bo ta risibí e veredikto mandá na kas via pòst. E veredikto di e Komishon di hür ta obligatorio. Esei ke mèn ku ámbos partido mester tene nan mes na esaki.