Entrante promé di aprel e lei medidanan merkado di bibienda di hür Hulanda Karibense a drenta na vigor pa Boneiru. E lei ta sòru entre otro pa un Komishon di hür ku ta yuda ku disputa entre hürdó i propietario.
E Komishon di hür ta un organisashon imparsial pa tantu e hürdó komo e propietario. Si tin un disputa kaminda abo komo hürdó i propietario no ta sali afó, e ora ei ta posibel pa buska informashon serka e Komishon di hür. Bo por entregá un petishon tambe i laga evaluá e situashon. A base di lei i regulashon ku ta na vigor, e Komishon di hür lo tuma un desishon ku bo ta mará na dje.
Bo ta kurioso pa sa kiko e Komishon di hür por nifiká pa bo? Wak riba nos wèpsait pa mas informashon.